राँचीबाङ (थबाङ, रोल्पा)
'लाल सलाम,' टाउको भन्दा माथिमाथि मुठी उठाउँदै एकै तालमा आवाज झर्यो, 'हाम्रो अजम्मरी जनकम्युनमा स्वागत् छ।'
आम रोल्पाली घरका तुलनामा केही ठूलो काँटीका दुईतले घरअगाडि थालमा अबिर र हातमा लालीगुराँसको माला लिएकाकाको एउटा लाइनबाट स्वागत्को ताली पनि झर्यो। लाइनमा उभिएका अनुहार समाबेसी छ –केही बूढी आमै, केही किशोर, केही युवा र केही बालबालिका।
लाइनमा सबैभन्दा अगाडि उभिएकी बूढी आमैले आगन्तुकका निधारमा अबिर लगाइदिइन्। त्यसपछि सनासोले चेपेजसरी चपक्क पारेर आगन्तुकसित हात मिलाइन्। कम्युनका अन्य सदस्यले आगन्तुकका गलामा लालीगुराँसको माला लगाइदिए। उनीहरुले पनि आफूभन्दा माथिमाथि हात उठाए र 'लाल सलाम' भन्दै आगन्तुकसँग चपक्क पारेर हात मिलाए।